Stanley

Poema hidraulikoa
(Azaro euritsu batean, Bilbon)

Euriak tap tap tapatzen du
                    asfalto hotza
eta Marlboro pakete bat
kapitain gabeko untzi bat bezala amiltzen da
estoldetara.
Agure hori bizitzaren karpeta
                                     ixten.
kaioen komandoa hiriko farolak
                                      pizten.

Tigre bat marra gabe
zeru terminal baten iluntzean
umeak botoi nuklearrarekin
jolasean.

Euriak tap tap tapatzen du
asfalto hotza
telefono kabinetan
ahotsak usteldu egiten dira zenbaki
hura gogoratu
ezinik.